తెలుగు తల్లి

నగ్న నృత్యాలకు ఆనందిస్తాం

పాశ్చాత్యానికి ప్రాకులాడతాం

ఆదర్శాలకు నీళ్ళు వదిలాం

ఆత్మవంచనకు సిద్ధ పడ్డాం...

అమ్మలందరినీ మమ్మీలుగా మార్చాం

నాన్నలందరికీ డాడీలు తగిలించాం

దేశభాషలందు తెలుగు "లెస్సు" అన్నాం

అంధ్రమాతా నీ బిడ్డలమైనా

నీ పాలిట దుశ్శాసనులమైనాం...

పరుల ప్రాపకానికి పాకులాడతాం

సంస్కృతీ సంస్కారాలను తూర్పార పడతాం

ఆంధ్ర దేశ మహా స్రష్టలం

అమ్మ గౌరవం నిలుపలేని భ్రష్టులం...

తెలుగు జాతికి కాసిన కుక్కమూతి పిందెలం

మమ్మల్నెవడు మెచ్చి ఇచ్చాడు అందలం

జాతి గౌరవం నిలుపలేని వాళ్ళం

ఆంధ్రమాతా క్షమించు...

నీ ఖర్మకు మేం నీ బిడ్డలం !!